薑蔥蠔

 

買了盞記的急凍韓國蠔 (每包一磅)，一於試下整薑蔥蠔。整出來隻蠔是中型size，味道不錯。不過沒有街吃的那麼好味，因為自家製的只用了簡單的調味料，又沒有放蠔油，但突出了鮮味。

材料：
蠔一磅，薑片、蔥段各60克，蒜頭切片1瓣，生粉適量。

做法：
1.  生蠔用生粉"省"一"省", 用水沖洗後再放入沸水中略煮，瀝乾。

2.  在瓦煲中燒熱2湯匙油，爆香薑蔥加入生蠔煮至熱透, 加入豉油及胡椒粉調味。  如果想好味點，就可加入蠔油調味。

(姐姐整)

薑蔥蠔

買了盞記的急凍韓國蠔 (每包一磅)，一於試下整薑蔥蠔。整出來隻蠔是中型size，味道不錯。不過沒有街吃的那麼好味，因為自家製的只用了簡單的調味料，又沒有放蠔油，但突出了鮮味。

材料： 

蠔一磅，薑片、蔥段各60克，蒜頭切片1瓣，生粉適量。

做法：
1.  生蠔用生粉"省"一"省", 用水沖洗後再放入沸水中略煮，瀝乾。

2.  在瓦煲中燒熱2湯匙油，爆香薑蔥加入生蠔煮至熱透, 加入豉油及胡椒粉調味。  如果想好味點，就可加入蠔油調味。

(姐姐整)

蒜蓉粉絲蒸鮮尤

蒜蓉粉絲蒸鮮尤

呢個有點 “獻醜”的菜式，但味道不錯，還是買些較大的尤魚比較得體。

1.    鮮尤洗好切好。

2.    粉絲浸軟，鋪在碟底，加上蒜蓉粒粒。

3.    蒸熟

呢次我仲買左條魚做餸，魚同呢味餸一齊蒸熟，好方便呀。

(姐姐整)

果皮蒸鮑魚仔

果皮蒸鮑魚仔

星期日整海鮮餐，今次食豪D。呢期鮮鮑魚仔當造，價錢平，6隻中型size鮮鮑魚仔盛惠HK$60。

買到返屋企，D鮑魚仔仲係個盆度郁郁下，好新鮮呀。鮮鮑魚仔要用牙刷刷乾淨，因為條邊都好污穢。洗淨後放上已切條的果皮，蒸8分鐘。蒸鮑魚時一次過蒸埋條魚，好方便呀!

材料:

鮮鮑魚仔6隻

果皮

蒜蓉粉絲蒸貴妃蚌

蒜蓉粉絲蒸貴妃蚌

呢次的貴妃蚌是黃色殼的那種，肉較多及厚身 (紫色那種肉較少)，老公說喜歡這次的蚌多一些。買回來時已開好了，只需用牙刷洗乾淨，放上舖好粉絲的碟，放上蒜蓉粒/薑粒，蒸5分鐘即可。蒸好後才加上豉油。

豉椒炒蜆

豉椒炒蜆

買左街市一份份的蜆仔(HK$20)，這還是我第一次買蜆，之後上網找食譜。味道都幾似街買的，不過就沒有咁辣。

老公說原來炒蜆是濕熱的，所以有人說寧願吃沙白，沙白乾淨D，咁下次用同一方法試下沙白先。

材料:

蜆

辣豆豉

做法:

1. 鮮蜆放清水內浸數小時使吐泥 (有食譜教浸時加入一支stainless匙，會更快吐沙)。

2. 放大鑊滾水內兜勻至開口即離火 (經滾水煮過仍不開口的蜆即已死的蜆，要揀掉)，置水喉下沖淨，刷淨沙泥後瀝乾。

2.起油鑊，爆香蒜茸、豆豉茸、薑絲，即下蜆炒勻，加調味料，炒至汁收濃，炒勻後上碟。


(姐姐整)

蒜蓉粉絲貴妃蚌

蒜蓉粉絲貴妃蚌

呢期見BK媽咪整貴妃蚌，見街市有得賣，一於試下! 呢隻蚌仔個殼都幾大，外型係紫色的，幾討好。佢同扇貝一樣係HK$30一份，扇貝有6隻，貴妃蚌有9隻，即買即開。

整法亦同扇貝一樣，起肉，洗乾淨，墊上粉絲及蔥，只需蒸7分鐘即可。原來入面粒肉都幾細，但比起扇貝嫩口，都幾好吃，下次可以Encore。

(姐姐整)

蒜茸粉絲蒸扇貝

蒜茸粉絲蒸扇貝
見街市有一份份扇貝，買黎試下蒸先。原來我買的係BB版 (定係蒸過左火呢?)，粒扇具蒸好後縮到好細。碟野好醜!

材料： 扇貝6隻
蒜茸，蔥，粉絲少許
調味料：
鹽，生抽適量

做法：
１.扇貝用牙刷清洗乾淨。

2. 粉絲浸淋，放於碟上加少許生抽及適量水份
3. 扇貝放於粉絲上，加入蒜茸(適量)，鹽，油及生抽

4. 水滾後大火蒸5-8分鐘，洒上蔥花，離火焗片刻即成
(姐姐整)

清蒜鮑魚仔

去街市見到有活生生的鮑魚仔賣，一盆6隻，盛惠$30。於是買番屋企試下先，連同剛剛買的紅妯, 加個新鮮生菜, 食了個海鮮餐。

我同姐姐都係第一次蒸飽魚仔，上網睇多數係用果皮蒸 (可能怕惺吧)。但我家無果皮，於是將薑絲, 蒜蓉放左鮑魚仔上，清蒸8分鐘，再淋上豉油汁就可以。道理是和蒸魚一樣的。D味道不錯, 同酒樓食到的差不多。

唔整都唔知，原來, 鮑魚仔都幾污穢，看住姐姐用牙刷刷個邊，由黑色刷到白色。蒸好後，我想夾2隻比姐姐食，佢即刻話唔食呢D (姐姐不擇食的，除了豬肉, 生的東西不吃外，全部都食)，莫非被D黑色邊嚇怕了??!

(姐姐整)