光波咸豬手
在惠康買左隻急凍的金妹咸豬手，諗住一豬手兩食。
做法:
1. 首先係滾個薯仔湯，滾左15分鐘後放入真空煲。
2. 跟住取出豬手，用五香粉醃，用fork篤洞
3. 放在雪櫃內風乾，再入光波爐 (250度，低架，每邊15-20分鐘)。
估唔到個湯咁好飲，有點 “街湯” 的味道。好可惜係….. D皮完全是淋的! 相信係今次煲得太耐，D皮本身已經淋哂! 下次都係滾完不要入真空煲，即時篤洞，同埋不用鹽醃，因為隻豬手已夠味道。
(姐姐整)
2013年6月13日 星期四
光波燒肉
光波燒肉
一年多前，曾經用過焗爐整燒肉，又要揀呈 “方形”的肉，用錫紙包好，又要加粗鹽在皮上焗，結果D皮唔多脆，效果一般。
自從知道光波爐係燒烤的原理，多用會致癌後，個爐已被打入冷宮。不過睇左肥媽個節目，又想試下再用光波爐。這天一早去超市入貨，肉檯阿姐話整燒肉要用 “骨腩”，盛惠HK$25，兩個人食，剛剛好。
睇番個光波爐食譜，舊肉是醃好後即入去燒，不用 “出水”。不過我又覺得出水好D，皮會容易篤D，而且可以減少 “光波”的時間。
食後感:
D皮好脆，個樣似街買的，成功了!下次可加多D鹽及五香粉，會再入味D。
材料：
骨腩
五香粉
鹽
做法：
1. 骨腩洗淨，“出水”8-10分鐘
2. 抹乾，將五香粉及鹽混合，再搽勻整塊肉。
3. 用Spoon在豬皮上”吉”大量的洞 (不要太深，太深會令油份滲入皮，會令皮不脆)，吉得越多越脆。
4. 吊起2小時，再放入雪櫃，要令肉乾身。
5. 入爐前，再吉多一次洞。
6. 用低架，肉放在低架上(豬皮向下)，250 C – 260 C燒10分鐘 (視乎肉的大細)。
7. 反轉肉(豬皮向上)，光20-25分鐘至豬皮鬆脆。
8. 放涼肉後，切件上碟。
2012年10月25日 星期四
光波爐系列 – 美式焗薯皮
光波爐系列 – 美式焗薯皮
之前都無諗過要光波爐，因為家中有焗爐，光波同焗爐的原理差不多，但光波的烹調時間較快。買左新的麵包機後，麵包機轉了位，騰出了原來的位置，於是就開始心思思。加上看得BK的烹飪版多，見人地整燒肉、乳鴿、燒雞等，於是決定要部光波爐來玩下，扮下大廚!
第一個試機的食物係焗薯皮，上星期整New York Cheese Cake尚餘一些酸忌廉，一於用埋佢洗。呢個食譜沒有印在跟機的食譜書內。以為很易整，點知都係失敗了，不是我心目中的效果。味道還可以，好像食焗薯多過焗薯皮。
原因: 1. 薯皮”片”得不夠薄，不夠乾身 2. 忘記了在薯皮上掃油及鹽，做了少一個步驟
訂閱：
文章 (Atom)