我的第三個忌廉蛋糕 - 朱古力脆脆蛋糕

呢個蛋糕用番之前的朱古力海棉蛋糕體食譜，呢次打蛋白時不小心打得唔夠時間，結果蛋糕升得不夠高(在混合粉漿時已經知道，因為打得唔夠，粉漿不夠輕身，有點消了泡的感覺)，好彩都沒有影響個製成品，順利完成了。

可能呢個蛋糕係整比工人姐姐，加上近幾天身體較累關係，無心機買裝飾的材料，只用了現有的物資:

無糖朱古力粉

朱古力釘

藍莓

棉花糖

朱古力脆米

呢次在蛋糕層內加入脆米，可惜只是6個小時的時間，忌廉已將脆米浸淋，完全不脆，下次要試下夾層中不要加入忌廉，或用其他方法加入脆米

裝飾蛋糕時，起初都沒有什麼idea，邊做邊設計，次序如下:
1. 在蛋糕面上灑上無糖朱古力粉
2. 用藍莓圍蛋糕邊(哈哈，我有諗過用藍莓圍個心心，咁咪變左黑心??)
3. 在中間放上棉花糖– 如果係彩色的棉花糖，效果會更好
4. 在棉花糖上加上朱古力釘，令色彩更豐富。

最後個蛋糕都見得下人，算幾靚仔吧! 每次都係世上獨一無異的蛋糕，這就是整蛋糕的樂趣之處。