蟹柳高溶點芝士包包

烘焙已經係我生活的一部份，有時唔夠時間，就咁開機整吐司，3個鐘後就OK，不過就無左整包包的樂趣，好似無整過包一樣。

好耐無整過做型包了，整做型包很有滿足感，因為配上不同的材料，有不同的效果，好期待食的時候。我通常在飯檯上整的，我企響度整，張檯是低了一點。近來身體較累，一整條腰就有點累(其實只係碌及揉幾下，大約10分鐘左右)。

做法:
1. 將面團分為8份，滾圓鬆弛。
2. 分別將每份碌平，在最前端放上一粒粒的高溶點芝士，卷成條狀。壓好收口，向下擺。
3. 第二次發酵。
4. 預熱焗爐。將包包用利刀在中間介一條線，放上蟹柳條，在包面上塗上蛋汁。
5. 入爐後噴水，180度焗15分鐘。