中式饅頭

第二次整饅頭

呢次將水份減至80G，不過好像太乾，最後加了一些水，下次還是用85G水。比起上次，今次很容易就卷得靚，三兩下手勢就完成。我今次分了6個。

 

呢次好成功，整饅頭真係快夾簡單，不用等發酵，不用一小時就完成 (麵包機攪15分鐘，鬆弛10分鐘，整形5分鐘，放入鑊內發酵20分鐘，大火蒸7分鐘)。一於下次卷入蔥花，整蔥花卷。

 

心得:

完成整形後，可用手指尖沾上少少水，和饅頭 “整整容”，令饅頭看來更滑 (我懶，只整左其中一個)。

--------------------------------------------------------------------------------------------------------------------------------------------------------

中式饅頭

 

月初時病了幾天，之後對整包包提不起勁，平時放工回來才開始整造型包，完成時都約11時，有時想整包，唔係無蛋就係無糖 (有時真係激死，呢兩樣野，係姐姐極速耗盡的東西，唔通食得蛋及糖多，身體會好似姐姐咁好?)。於是呢期只是整白吐司，懶得就懶。有幾天買左街包，蛋糕做早餐。

 

原來整包同做運動的道理一樣，一係就連續整，當停左一排就開始提不起勁。近來見到個整饅頭的食譜，因為饅頭不用等發酵，所以過程只需一小時，而且不似蛋糕咁邪惡 (牛油及糖的混合體)。咦，又幾簡單，一於試下。

 

一時睇漏左眼，在現在朝濕的天氣都落足了水份，結果太濕，取出麵團後，又要放回麵包機加粉再揉 L，有點失敗。好彩個製成品除左看似過份發酵外，都尚算可以，比起其他網友的白白滑滑饅頭，仍有很多進步的空間啊!

 

材料:

水     100G (太濕了，完全不能操作，下次試85G)

低筋     200G (我用水手低筋粉)

糖     38G

酵母     2G

發粉(baking powder)   2G

油     3G

 

做法:

1.    材料按次序入麵包機。好奇怪，我放水，油及糖後放發粉，竟然不停有”沙沙聲”，好似開汽水的泡泡聲一樣。下次都係放低筋粉後，最後才放發粉。

2.    開Dough程式，10-12分鐘 (其間看看水份是否足夠，不夠再加)

3.    剪開墊底紙 (我用入爐的牛油紙)

4.    取出麵團，蓋上濕布靜置5分鐘。

5.    Look開約18cm x 18 cm

6.    卷好，埋口位置按薄一些邊位，用水收尾。切成3 cm長 (6個)。放在饅頭紙上，噴上清水。

7.    放入鑊內發酵約20分鐘 (鑊內放些水，水溫不要太高，30-35度就可以)

8.    取出，水滾後再放入，蒸7分鐘。熄火後不要即時開蓋，等一分鐘，打側個蓋 (防倒汗水)，半蓋著再等2分鐘。