自製米通

自製米通

約左小朋友去郊外野餐，想準備D健康又簡單的食物。於是試下整呢個米通，超簡單，而且幾好味，質地有點似”馬仔”，但無咁甜，更脆口。下次一定再Encore!

材料：

卜卜米一盒200g  - 呢隻卜卜米唔係間間超市有，我響Fusion (百佳)買
細粒棉花糖一包150g

無鹽牛油35-40g

適量果仁碎/乾菓 - 我用左提子乾、合桃、腰果

做法：

l   易潔鑊用細火溶解牛油後加入棉花糖煮溶，其間保持細火及不斷搞伴，務求令牛油及棉花糖混為一體，另一方面以免痴底變焦。

l   完全溶解後熄火落卜卜米搞混，再加入喜歡的果仁碎或乾菓粒（這個步驟比較吃力才可以將所有材料混和，因為溶解後的棉花糖好膠）待涼放入長型食物盒，用湯匙稍稍壓平，後切條或粒粒便可。