水果酵素 - 菠蘿

水果酵素  - 第一次嘗試

看得多BK，見人話水果酵素的益處，又話最好飲係菠蘿酵素。見菠蘿又平又靚(而且包埋批，實在簡單)，買齊材料 (粒粒太古冰糖1包，2個檸檬，1個菠蘿)就開工。

第一天D冰糖已溶了很多，之後一天開始出泡泡，泡泡不算多，兩星期我只開了蓋一次。因為忘記了切走白色部份，所以D生果有少少苦及酒味。

人地話餘下的生果，可以加少少水榨汁，用另一個容器裝，可以飲的。不過我將生果切左粒粒，整左個雜果沙律。老公說好似飲緊柚子茶咁，好飲。

做法:

l   用熱水消毒个玻璃樽，即放入熱水內煮 (要自然風乾, 不可用布或紙巾抹)

l   首先洗干净水果，風乾，切好，分三份

l   柠檬分三份 (分12塊，切走白色部份，蓋每次之最頂，共3層。一樽用2個lemon)

l   冰糖分三份，先放一份水果，一份冰糖，一份柠檬，放全部材料，最上面是冰糖。(留1/3 空位，等泡泡有位走)

l   放在干凉地方两星期(一星期開蓋一次散酒味)，然后搾汁，放在雪柜，每次飲30ml，一日最多三次！